永恆博物館

2003年

每天每刻獻上為祢 MV

每天每刻獻上為祢 MV 拍攝花絮

  • ETERNITY 第一首原創福音歌曲 MV「每天每刻獻上為祢」

 

「每天每刻獻上為祢」創作心得 – 林綺玲(填詞)

記得喺2001年嘅時候,有機會參加教會嘅泰北短宣之旅,
去到當地認識文化同埋做一啲傳福音探訪嘅工作,
喺一個星期日嘅早上,我地參加一個戒毒中心嘅崇拜,
一開始嘅時候,有十幾二十個小朋友帶領我地一齊唱歌,
係整過唱詩嘅過程 ,唔知點解我個心好感動,開始流下眼淚,
連身邊嘅弟兄姊妹好多都一齊流淚,
但奇怪嘅係,呢班小朋友唱嘅係泰文,而我地當中冇一個識泰文,
我哋彷彿喺佢哋嘅生命裏面睇到主耶穌嘅愛,
呢班小朋友嘅父母係黎到戒賭中心,靠住福音黎到戒毒,
而呢一班小朋友當中亦都有啲曾經試過吸毒,喺世人嚟睇,
佢哋嘅生命就好似一劈爛泥咁,被糟蹋,好唔可愛,
佢哋甚至可以大條道理咁去放棄自己嘅生命,甚至尋死,
但係佢地無,佢地因著認識耶穌基督,有生命嘅改變,
仲透過詩歌黎到激勵我哋呢一班喺香港生活好豐足嘅弟兄姊妹,
當我返到嚟香港嘅時候,呢一首嘅詩歌仍然不斷喺我腦海盤旋,
於是我就好大膽咁樣做左一個祈禱,
我話主啊,呢首歌曾經深深嘅感動我,
我好想將這首詩歌帶返嚟香港,
祝福香港嘅弟兄姊妹,求主你比歌詞我,
當我祈禱之後,神就好快比左我歌詞,
我好想勉勵弟兄姊妹,我哋認識左主之後,
經歷神好多嘅恩典,好多嘅福氣,我哋點樣可以去回應主,
奉獻自己嘅生命,成為一個器皿去服侍主,
讓人從我哋嘅生命裏面可以睇到耶穌,
送上比大家 – 每天每刻獻上為祢。